Garbage trucks sa Cebu City nagkuwang

File photo
File photo

Giangkon ni Association of Barangay Councils (ABC) President Franklyn Ong nga adunay kakuwang sa garbage trucks nga mokolekta sa mga basura gikan sa kabalayan ug mga sudlonon nga bahin sa 80 ka mga barangay sa dakbayan sa Sugbo.

Gisugyot ni Ong nga angay susihon sa Cebu City Government kon pila ka mga balay ang naa sa usa ka barangay ug pila ka business establishments aron mabana-bana ang gidaghanon sa basura nga ilabay matag adlaw, aron masayran kon pila ka garbage trucks ang gikinahanglan.

Matod pa ni Ong, kinsa mao say barangay kapitan sa Kasambagan, nga angay ilakip sa pagsusi sa City Government ang nagkadaghan nga condominium units.

Dugang ni Ong nga gawas sa garbage trucks, dugang garbage collectors ug igo nga supply sa krudo matag barangay ang gikinahanglan.

Una niini, si DPS chief manlalaban Jigo Dacua niingon nga ang matag barangay kinahanglan nga adunay igo nga gidaghanon sa garbage trucks aron malukop ang pagkolekta sa mga basura.

Si Dacua nibutyag nga sa kasamtangan, ang DPS aduna na lay 13 ka mga trak sa basura nga nagdagan sanglit ang ubang mga unit, apil na ang mga compactor truck, pulos nangaguba ug wala pa maayo.

Iyang gihulagway nga dako og natabang ang private partner sa City Government nga maoy niabag og hakot sa basura gikan sa transfer station paingon sa landfill sa Brgy. Binaliw, diin labing minos 11 ka 10-wheeler dumptrucks ang ilang mapadagan matag adlaw.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph